Meistergedicht, Teil 1
Nach 23 Johr gits ändlech de Lohn,
ihr sind jetz de Stolz vo de ganze Region.
Das Team isch unglaublich wie's kämpft und trifft,
das hed inspiriert zumene Meistergedicht:
Ganz hinde det stoht euse G-Faktor drin,
und frustriert die Gänfer grad abem Beginn.
Die einzig Gfohr für ihn luuret dihei,
in Form vom Sohn sine Legöli-Stei.
Und zwackts i de Liiste noch eme Spagat,
de stoht duss bem Törli de Luca parat.
Chund ine und spielt usem nüd wie en Wand,
Schuss für Schuss zieht är id Fanghand.
De Santeri fahrt Slalom dur all Gägner dure,
de Pögg hed är debii no nie verlore.
Und wenns halt doch mol e Konter git,
de rettet de Claudio eus mit eme Hit.
De Gregu isch schnäller als jede Pfiil,
und är verpasst au nur sälte sis Ziil.
De Dario stoht wie en Fels vor em Goal,
do hed no mänge Goalie bitz d'Beischoner voll.
Our Kovy isn't just hands and brains,
he's a fighter not shying away from red stains.
Three all-stars here clogged up in one line,
their team spirit helping each other to shine.
[doublepost=1620655547,1620655492][/doublepost]
Teil 2
De Toby stoht immer stabil uf de Kufe,
zum Pöggschutz drückt är Hank-like sis Füdli chli use.
Bem Rafi isch nid wo är spielt das wo zählt,
du besch ÜSE MEISTER-CAPTAIN, für immer en Held.
Silently working out there in the dark,
Nick is lurking for points like a shark.
And Abby is just such a crazy cool guy,
he showed Henrik T. what it's like to fly high.
De Lino tanzt tifig vo Egge zo Egge,
als Gägner chasch dä ned tschegge, nur legge.
S'Powerplay spielt är grad ohni z'verschnuufe,
und hänkt de Pögg schnäll is Winkeli ufe.
Muetig und ruhig kämpft de Livio hinne,
und leit sich furchtlos i jede Schuss ine.
De Schlumpf hed scho mänge Star ide Bande verkeilt,
und debii zahllosi Blaumose verteilt.
Är sprintet, är skort, är stellt sine Maa,
gits eigentli öppis wo de Zehnder ned cha?
Au am Lenny sis Spiel verdient grosse Respäkt,
sin einzige Schwachpunkt isch de Dialäkt.
Klingberg's hjärtat är blå och vit som vi vet,
hej Calle, så mycket tack för det!
Die Linie isch eifach immer parat,
s'Gheimnis isch glaub de Kartoffelsalat.
[doublepost=1620655631][/doublepost]
Teil 3
De Nico spielt mängisch scho ganz ganz gross,
i zwee, drü Johr isch dä absolut Boss.
De Jesse isch be jedem Shift voll debii,
und gumpet mit Härzbluet i all Zwöikämpf drii.
De Gägner dänkt, jetz gäbs mol e Pause,
do chond aber au scho de Jerome aaz'sause.
Wie Zahnräder passt üsi Viert inenand,
und forecheckt die andere hert gäge d'Wand.
De eint Sven raubt ne mit Checks ihre Schnuuf,
Sven zwöi vernascht sie mit NHL-Moves.
Die Energie hed eus s'ganz Johr all begeisteret,
die Liga wird äbe scho nur mit vier Linie gmeisteret.
Vieli hend hüür mit Süüch und Verletzige grunge,
und jedes mol isch eine id Bresche drii gsprunge.
Danke Erik und Dario, Livio, Arno und Calvin,
egal wieviel Iiszit, es sind alli #eisteam.
Our coaching staff never seems to get tired,
pushing our guys, stirring up Will Grigg's fire.
When the pressure rises too much for a while,
Dan teaches our goonies to zen and just smile.
En Dank gebührt au de Füehrigsetage,
im Klaus sine Auge jo schiints e Blamage.
Doch gschiidi Transfers und Business-Entscheid,
hend für dä Titel die best Basis gleit.
[doublepost=1620655680][/doublepost]
Zum Schluss:
Dä Triumph wird eus all dur de Summer träge,
Es härzhafts Schölölö brüllt do no mänge dur d'Gägend.
Mer freued eus, üch im Herbst wieder z'gseh,
und übrigens: sone Titel macht Hunger uf meh.
P.S.: Eim andere ghört dä Chübel au no e bitz:
I dem Team brönnt wiiter de Kampfgeist vom Schnitz.
Ich pfiif uf d'Kriterie und sägs jetz eifach,
für mich ghört de Fäbu halt au unters Dach.
